Ba chóir samplaí a thabhairt isteach in éineacht le foirm foréilimh dochtúra/ospidéil agus ba chóir na sonraí seo a leanas a scríobh ar an bhfoirm: ainm, aois agus gnéas an othair, an dáta ar tógadh an sampla, uimhir thagartha nó aitheantóir leithleach agus ainm & seoladh an duine a bhfuiltear leis na torthaí a sheoladh chuige/chuici. I gcás sampla fuail 24 uair, is leor sampla ionadach 20 ml, ach caithfear an toirt iomlán eisfheartha a chur in iúl. Le haghaidh fhormhór na n-anailísí, ní gá socrú a dhéanamh leis an tsaotharlann roimh ré. Tá sé tábhachtach, ámh, go gcuirtear isteach an sampla cuí don anailís atá á iarraidh. |
