Anailís Cheimiceach
Barr an Leathanaigh
Tabhair faoi deara na riachtanais seo a leanas maidir le sampláil bia a thógáil i gcomhair anailíse ceimicí:
- Féach ar mhír na nótaí den Chlár Samplála um Cheimiceáin i mBia reatha chun eolas a fháil ar na cineálacha samplaí agus na híosmhéid samplála riachtanacha i gcomhair gach paraiméadair.
- Ba cheart na samplaí bia, a chuirtear isteach i gcomhair monatóireachta chun comhall le dlíthe bia an AE a chinntiú, a shampláil de réir Rialachán Samplála an AE. Mar shampla, maidir le trom-mhiotail, molann na rialacháin go dtógfaí sampla de 1 kg ar a laghad más féidir.
- Má tá roinnt aonaid miondíola de tháirge ag teastáil chun sampla a chur le chéile, déan cinnte go bhfuil na haonaid ar fad ar aon bhaisc-uimhir. Roimh an anailís, cuirtear aonaid uile an tsampla le chéile agus déantar tástáil ar fhoshamplaí. I gcás toradh míshásúil a fháil, ní féidir an bhaisc amhrasach a aithint nuair a tástáladh sampla ilchodach d’aonaid de bhaisceanna éagsúla.
- Déan cinnte nach dteimhlíonn lipéid ghreamaitheacha faisnéis mar liosta na gcomhábhar, lipéadú cothúlachta, éilimh srl. ar shamplaí. Má tá an sampla beag agus mura féidir é seo a dhéanamh go praiticiúil, is féidir an sampla a chur i mála plaisteach trédhearcach agus an lipéad a ghreamú air.
- Is riachtanais de chuid na creidiúnaithe saotharlainne le “ISO 17025:2005 – General Requirements for the Competence of Testing and Calibration Laboratories [an bhfuil teideal Gaeilge air seo?]” go mbeadh conradh idir an custaiméir agus an tsaotharlann. Is conradh den saghas seo í an fhoirm Aguisín C. Mar gheall air seo, tá sé ríthábhachtach go líonfar an réimse “anailís a theastaíonn” ar an bhfoirm Aguisín C agus go sonraítear na paraiméada(i)r riachtanach(a) de réir an chláir. Ní leor iontrálacha ar nós “ceimiceach” nó “comhshuíomh”.
- Ar gach foirm Aguisín C, tabhair ainm agus seoladh na Príomhoifige Sláinte Comhshaoil chuig a gcuirfear an tuairisc.
- I gcás nach féidir samplaí sceidealaithe a chur isteach i gcomhair tástála, cuir an teagmháil saotharlainne sonraithe ar an eolas faoi chomh luath agus is féidir, ionas gur féidir na háiseanna saotharlainne a athleithdháileadh ar obair eile.
- Tugtar sonraí na dteagmhálacha saotharlainne ar Leathanach 2 den Chlár mar aon leis an Rannóg “Teagmháil” den suíomh idirlín seo. Cuir glaoch ar an duine sonraithe cuí i gcomhair iarratas maidir le paraiméadair tástála nó sampláil. I gcás toradh a cheistiú, ba cheart dul i dteagmháil leis an gCeimiceoir Anailíseach Feidhmeannach atá ainmnithe ar an tuairisc tástála.
- Ní mór na samplaí a sheachadadh chuig an tSaotharlann sa chéad choicís de gach tréimhse samplála. Déan cinnte go mbeidh na samplaí uile i gcomhair tástáil ceimice sa tSaotharlann roimh 3 i.n. lá an tseachadta.
Tástáil mhicribhitheolaíoch
Barr an Leathanaigh
Samplaí Bia i gcomhair Tástála Micribhitheolaíochta
- Ba cheart samplaí bia a gcuisnítear iad de ghnáth a stóráil i gcuisneoir ar an bpointe, agus ba cheart iad a sheoladh chuig an tsaotharlann laistigh de 24 uair.
- Aon samplaí, a gcuisnítear iad de ghnáth agus nach féidir iad a sheoladh chuig an tSaotharlann laistigh de 24 uair, ba cheart iad a reo agus a sheoladh chuig an tSaotharlann chomh luath agus is féidir ina dhiaidh sin.
- Ní mór Foirm Iarratais ar Anailís Saotharlainne chomhlánaithe a bheith le gach sampla.
- Ba cheart na samplaí uile a láimhseáil a laghad agus is féidir sula bhfaightear ag an tSaotharlann iad. Is féidir go mbeadh éifeacht ag stair láimhseála agus stórála na samplaí ar na torthaí micribhitheolaíochta.
- Tá íosmhéid de 150g de shampla bia ag teastáil don anailís mhicribhitheolaíoch.
Stóráil samplaí d’anailís mhicribhitheolaíoch
Barr an Leathanaigh
- Ba cheart do bhia reoite a bheith reoite.
- Ba cheart bia fuaraithe/cuisnithe a stóráil idir 0ºC agus 5ºC gan iad a reo.
- Ní gá bia triomaithe, cannaí neamhshéidte agus bia nach gcuisnítear iad de ghnáth a fhuarú, ach ba cheart iad a stóráil agus a iompar ag teocht níos ísle ná 20ºC.
|
