Treoracha maidir le samplaí uisce a thógáil

1. Ba cheart an tSaotharlann uisce a chur in áirithe do shamplaí sula ndéantar iad a chur isteach, agus ní ghlactar le samplaí ach ar an Luan/Máirt.
2. Ní mór samplaí a chur isteach chuig an tsaotharlann roimh 1.30 i.n.
3. Ní ghlacfar ach le buidéil samplála a sholáthraíonn an tsaotharlann nó an tOifigeach Comhshaoil Áitiúil.
4. Níor cheart go mbeadh samplaí níos sine ná 6 uair an chloig. Is féidir eisceacht a dhéanamh i gcomhair samplaí ó áiteanna atá i bhfad ón tsaotharlann. Ba cheart é seo a phlé leis an tsaotharlann.
5. Ní mór samplaí a stóráil agus a iompar in áit fhuaraithe (gan a bheith reoite) agus gan iad a bheith faoi sholas díreach na gréine.

An sampla a thógáil

• Réamhchúraimí
• Samplaí a thógáil ó sconna nó ó chaidéal
• Samplaí a thógáil ó sruthán, ó abhainn nó ó thobar

Réamhchúraimí

Barr an leathanaigh

Buidéal micribhitheolaíoch (500 ml)

1. Ná sruthlaítear.
2. Ná teagmhaítear barr an bhuidéil nó taobh istigh den chaipín le haon dromchla eile.
3. Ná hosclaítear an buidéal go dtí díreach sula ndéantar é a líonadh.

Buidéal ceimiceach (2.5 lítear)

1. Sruthlaítear an buidéal leis an uisce atá le tástáil díreach sula ndéantar é a líonadh.

Samplaí Uisce a thógáil ó sconna nó ó chaidéal

Barr an leathanaigh

1. Ba cheart go mbeadh an sconna glan, saor ó fheisteas agus i ndea-chaoi.
2. Glan taobh istigh agus taobh amuigh den sconna le maipín glan taisithe le sreabhán sláintíochta.
3. Déan an t-uisce a rith ag ráta socair ar feadh 2-3 nóiméid gan é a chur sa bhuidéal.
4. Líon gach buidéal go thart air 2-3 cm ón mbarr.
5. Déan an caipín a chur agus a theannadh ar an mbuidéal ar an bpointe.

Samplaí a thógáil ó shruthán, ó abhainn nó ó thobar

Barr an leathanaigh

Bain an caipín den bhuidéal agus coinnigh i lámh amháin é.

1. Le bun an bhuidéil sa lámh eile, déan an muineál a thumadh síos faoin uachtar go doimhneacht de thart ar 30 cm.
2. Déan an buidéal a chlaonadh ionas go ndíríonn an muineál anuas de bheagán, agus déan é a líonadh go hiomlán.
3. Tóg an buidéal as an uisce agus cuir an caipín air ar an toirt.

Tá sonraí maidir le samplaí a thógáil agus a sheoladh chuig an tsaotharlann ar fáil ar an bhFoirm Iarratais Uisce. Tugtar mionsonraí maidir le samplaí uisce a thógáil ar an dara leathanach den Fhoirm Iarratais ar Anailís Uisce faoi mhíreanna “Treoracha maidir le Samplaí Uisce a thógáil i gcomhair Anailíse” agus “An Sampla a Thógáil”.